डोनल्ड ट्रम्पका छोराको आरोप: ८० वटा भोट जलाइयो !

अन्तर्राष्ट्रिय

वासिंटन : अमेरिकी राष्ट्रपति चुनावमा मतगणनाका बीच राष्ट्रपति डोनल्ड ट्रम्पका छोरा एरिक ट्रम्पले एक भिडियो पोस्ट गर्दै ट्रम्पका ८० ब्यालेट जलाइएको दावी गरेका छन् ।

डोनल्ड ट्रम्पले डेमोक्रेटिकका उम्मेदवार जो बाइडेनमाथि धाँधली गरेको आरोप लगाइरहँदा उनका छोराले यस्तो आरोप लगाएका हुन् । ट्रम्पका बाबुछोराले नै मतगणनामा धाँधली भएको आरोप लगाउँदैआएका थिए । पछिल्लोपटक एरिकले राष्ट्रपति ट्रम्पको पक्षमा परेका ८० भोट जलाइएको दावी गरेका हुन् । साथै उनले मतगणनामाथि नै आशंका गरेका छन् ।

ट्वीटरमा शेयर भएको भिडियोमा ट्रम्पको भोट जलाइएको देखिएको उनले बताएका हुन् । जबकि सरकारी अधिकारीहरुले एरिकले शेयर गरेको उक्त भिडियोमाथि अनुसन्धान गरी त्यहाँ कुनै भोट नजलाइएको बताएका छन् । त्यो झुटो भएको पनि अधिकारीहरुले बताए ।

ती भोट आधिकारीक नभएर नमुना भोट भएको उनीहरुले स्पष्टिकरण दिएका छन् । साथै उक्त भिडियो शेयर भएको ट्वीटर एकाउन्टलाई प्रतिबन्ध लगाइएको छ ।

Leave a Reply

Your email address will not be published. Required fields are marked *