एर्दोआनले अमेरिकालाई दिए धम्की– कोसित भिड्दै हो थाहा पाइराख्नू

अन्तर्राष्ट्रिय

रुसको एस–४०० क्षेप्यास्त्र प्रतिरक्षा प्रणालीका विषयमा नेटोका दुई सदस्य मुलुक अमेरिका र टर्कीबीच शाब्दिक लडाइँ चलिरहेको छ ।

टर्कीका राष्ट्रपति रेचेप तैयिप एर्दोआनले यस विषयमा अमेरिकालाई खुलमखुला धम्की दिएका छन् । कसको सामना गर्दैछु भन्ने अमेरिकालाई थाहा नभएको उनले बताए ।

आफूहरू कमजोर राष्ट्र नभएको उनको भनाइ छ ।

रुससँग किनेको एस–४०० क्षेप्यास्त्र प्रतिरक्षा प्रणालीको परीक्षण बन्द नगर्ने पनि उनले बताए ।

आइतवार मलाटया शहरमा भाषण गर्दै उनले भने, ‘कसको सामना गर्दैछु भन्ने अमेरिकालाई थाहा छैन । हामीलाई ऊ एस–४०० क्षेप्यास्त्र प्रतिरक्षा प्रणाली रुसलाई फर्काउन भन्दैछ ऊ तर हामी कमजोर राष्ट्र हैनौं । हामीहरू टर्किश हौं ।’

उनले थपे, ‘अमेरिकाले हामीमाथि कुनै प्रतिबन्ध लगाउन चाहेको भए लगाए हुन्छ । ढिलो नगरे हुन्छ । हामीले अमेरिकाको एफ–५ लडाकू विमानका लागि पैसा दिएका छौं तर अहिलेसम्म उसले उपलब्ध गराएको छैन ।’

शनिवार टर्कीका रक्षामन्त्री हुलुसी अकारले टर्कीश सेना एस–४०० एयर डिफेन्स सिस्टमको परीक्षण गरिरहेको र तैनाथीको तयारी पनि गरिरहेको बताएका थिए । रुससँग क्षेप्यास्त्र प्रतिरक्षा किनेर आफूहरू नेटोबाट अलग नभएको उनले बताए ।

यस हतियारको खरिदका कारण अमेरिका र टर्कीबीच विवाद चर्किरहेको छ । रुससँग हतियार किनेकोमा अमेरिकाले टर्कीको कठोर आलोचना गरेको छ ।               लोकान्तर बाट

Leave a Reply

Your email address will not be published. Required fields are marked *