भत्ता लिएर फर्किएका वृद्धको मोटरसाइकलको ठक्करबाट मृत्यु

Uncategorized

राजविराज : सामाजिक सुरक्षावापत भत्ता थापेर घर फर्किरहेका सप्तरीका एक वृद्धको मृत्यु भएको छ ।

सप्तरीको खड्क नगरपालिका–७ स्थित पूर्व–पश्चिम राजमार्गमा पूर्वबाट पश्चिमतर्फ जाँदै गरेको स ५ प ४२४० नम्बरको मोटरसाइलको ठक्करले खड्क नगरपालिका–९ लालपट्टी बस्ने ६८ वर्षीय छुतहरु मण्डल खत्वेको मृत्यु भएको प्रहरीले जनाएको छ ।

सिर्जना फाइनान्स लिमिटेडबाट सामाजिक सुरक्षावापत भत्ता थापेर घर फर्किरहेका पैदल यात्री खत्वेलाई शुक्रबार अपरान्ह मोटरसाइकलले ठक्कर दिइ घाइते बनाएको थियो ।

इन्द्रेणी पोली क्लिनिक खरचुइयामा उपचार हुन नसकेपछि थप उपचारका लागि उनलाई धरानस्थित बिपी कोइराला स्वास्थ्य विज्ञान प्रतिष्ठान घोपा पठाइएको थियो । शनिबार धरान नपुग्दै इटहरी पुगेपछि उनको मृत्यु भएको परिवारका सदस्यहरुले बताए । प्रहरीले मोटरसाइकल र चालकलाई नियन्त्रणमा लिएको छ ।

Leave a Reply

Your email address will not be published. Required fields are marked *