वनभित्र पनि खेती गर्ने योजना बनाइने छ: कृषिमन्त्री खनाल

Uncategorized

काठमाण्डाै – काठमाण्डाैमा अन्तर्राष्ट्रिय स्तरको किसान सम्मेलन सुरु भएको छ । काठमाण्डाैमा पहिलो पटक अन्तर्राष्ट्रिय स्तरको किसान सम्मेलन आयोजना गरिएको हो ।

‘खाद्य सम्प्रभुता र किसान अधिकारसम्बन्धी अन्तराष्ट्रिय सम्मेलन’ नाम दिइएको यस सम्मेलनको उद्घाटन गर्दै प्रधानमन्त्री केपी शर्मा ओलीले कृषि उत्पादन वृद्धि गर्न सरकार लागि परेको दावी गर्नुभयो । प्रधानमन्त्री ओलीले मानव स्वास्थ्यका लागि स्वस्थकर खाद्यबस्तु उत्पादन गर्न पनि कृषकहरुलाई आह्वान गर्नुभयो ।

कार्यक्रममा बोल्दै कृषि तथा पशुपंक्षी विकासमन्त्री चक्रपाणि खनालले कृषि उत्पादनमा वृद्धि गर्न सरकारले वनभित्र पनि खेती गर्ने योजना तय गरेको बताउनु भयो । त्यसका लागि कानुन निर्माणको कामलाई सरकारले अन्तिम चरणमा पुर्‍याएको पनि मन्त्री खनालले जानकारी दिनुभयो ।

३ दिनसम्म चल्ने अन्तर्राष्ट्रिय सम्मेलनमा नेपालसहित भारत, चीन, बंगलादेश, पाकिस्तान, श्रीलंका, इन्डोनेसिया, मलेसिया, भियतनामका कृषि विज्ञहरु, किसान संघ, संस्थाका प्रतिनिधिहरु गरी करिब ३ सय ५० जनाको सहभागिता रहेको छ ।

सम्मेलनबाट नेपालको कृषि क्षेत्रको विकास तथा विस्तारका लागि आवश्यक योजना, नीति र कार्यक्रम तय गर्न सघाउ पुग्ने अपेक्षा गरिएको छ ।

Leave a Reply

Your email address will not be published. Required fields are marked *